100-летие Подвига Царственных Искупителей 100

Вопиет к небу кровь невинная, на всякий час в Земле Русской проливаемая.

 

thumbnail(1)

 

МОЛИТВА

СВЯТОМУ ЦАРЮ ИСКУПИТЕЛЮ НИКОЛАЮ II АЛЕКСАНДРОВИЧУ

 

О святый великий Царю Искупитель России Николае!

 

Вонми гласу моления нашего и вознеси ко Престолу всевидящаго Господа стенания и воздыхания Народа Русскаго, некогда Богоизбраннаго и благословеннаго, ныне же падшаго и от Бога отступившаго. Разреши клятвопреступление, доселе тяготеющее над нами. Тяжко бо согрешихом: отступише от Царя Небеснаго, оставльше веру Православную на попрание нечестивых, преступльше клятву соборную и не возбранивше убиению Твоему, Семьи Твоея, верных слуг Твоих и всех Новомучеников Российских.


Не бо послушахом повеления Господня: Не прикасайтеся помазанным Моим, паки же Давиду глаголющу: Иже прострет руку на Помазанника Господня, не Господь ли поразит его? И се ныне достойная по делом нашим приемлем, тяготеет бо даже до дне сего на нас грех Святыя крови Помазанника Божия пролития. Доныне оскверняются святыни наши, блуд и беззаконие не оскудевают от нас, чада наши преданы на поругание, закалание и смерть лютую на чужбине. Вопиет к небу кровь невинная, на всякий час в Земле Русской проливаемая.

 

Но виждь, Святый Искупителю наш, слезы и сокрушение сердец наших, каемся бо, якоже некогда киевляне пред князем Игорем, ими умученным; якоже владимирцы пред князем Андреем , ими убиенным, якоже новгородцы пред князем Всеволодом, ими оклеветанным и изгнанным, и просим: умоли Господа, да не отвратится нас до конца и не лишит Народ Русский великаго избранничества Своего, но да подаст нам разум спасения, во еже восстати нам из глубины падения сего.


Имаши бо, Святый Царю Николае, дерзновение велие, Ты бо кровь Свою пролиял еси за Народ Свой, и душу положил еси не токмо за други, но и за враги своя. Сего ради предстоиши ныне в Невечернем Свете Царю Славы, яко верный слуга Его. Буди нам ходатай, заступник и охранитель, не остави нас на попрание нечестивых! Даруй нам силы на покаяние, и Правосудие Божие приклони на милосердие!

 

Да не погубит нас до конца Господь, но да вся простит и милостивно помилует, и спасёт Землю Русскую и Народ ея. Да избавит же Отечество наше от постигших бед и напастей, возродит веру и благочестие, восставит пример Царей Православных, еже милостивно и право, во страхе и во славу Божию, избранникам Его управляти Россией. И да прославят люди Русские по всей вселенней всехвальное имя Господне и верно послужат Ему до скончания века, воспевая славу Отцу и Сыну и Святому Духу ныне и присно и во веки веков. Аминь.

 

http://www.sestroretsk.com/images/img031_680.jpg

 

http://www.sestroretsk.com/events/20170412/information_items_58210.jpg

 

 

 

 

LUCH 2018