100-летие Подвига Царственных Искупителей 100

 

 

МОЛИТВА

СВЯТОМУ ЦАРЮ ИСКУПИТЕЛЮ НИКОЛАЮ II АЛЕКСАНДРОВИЧУ

 

О святый великий Российский Царю и страстотерпче Николае!

 

Вонми гласу моления нашего и вознеси ко Престолу всевидящаго Господа стенания и воздыхания народа Русскаго, некогда Богоизбраннаго и благословеннаго, ныне же падшаго и от Бога отступившаго. Разреши клятвопреступление, доселе тяготеющее над народом Русским. Тяжко бо согрешихом, отступивше от Царя Небеснаго, оставльше веру Православную на попрание нечестивых, преступльше клятву соборную и не возбранивше убиению Твоему, Семьи Твоея,  верных слуг Твоих и Новомучеников Российских


Не бо послушахом повеления Господня: «Не прикасайтеся помазанным Моим» паки же Давиду глаголющу: «Иже прострет руку на Помазанника Господня, не Господь ли поразит его?» И се ныне достойная по делом нашим приемлем, тяготеет бо даже до дне сего на нас грех царския крови пролития. Доныне оскверняются святыни наши. Блуд и беззаконие не оскудевают от нас.

 

Чада наши преданы на поругание, закалание и смерть лютую на чужбине. Вопиет к небу кровь невинная, на всякий час в земле нашей проливаемая!

 

Но виждь слезы и сокрушение сердец наших, каемся бо, якоже некогда киевляне пред князем Игорем, ими умученным; якоже владимирцы пред князем Андреем Боголюбским, ими убиенным, якоже новгородцы пред Князем Всеволодом, ими оклеветанным и изгнанным, и просим: умоли Господа, да не отвратится от нас до конца, да не лишит народ Русский великаго избранничества Своего, но да подаст нам разум спасения, во еже восстати нам из глубины падения  сего.


Имаши бо, Царю Николае, дерзновение велие, Ты бо кровь Свою пролиял еси за народ Свой, и душу положил еси не токмо за други, но и за враги своя. Сего ради предстоиши ныне в Невечернем Свете Царю Славы, яко верный слуга Его. Буди нам ходатай и заступник, и охранитель. Не отвратися от нас, и не остави нас на попрание нечестивых.

 

Даруй нам силы на покаяние, и правосудие Божие приклони на милосердие! Да не погубит нас до конца Господь, но да вся простит и милостивно помилует, и спасет землю Русскую и народ ея. Да избавит же Отечество наше от постигших бед и напастей, возродит веру и благочестие, восставит пример Царей Православных, еже милостивно и право, во славу Божию, избранникам Его управляти Россией. И да прославят люди Русские по всей вселенней всехвальное имя Господне и верно послужат Ему до скончания века, воспевая славу Отцу и Сыну и Святому Духу ныне и присно и во веки веков. Аминь.

 

http://www.hramstrastoterpcy.ru/wp-content/uploads/2017/04/Слайдер-001.jpg

 

http://www.hramstrastoterpcy.ru/wp-content/uploads/2017/04/Слайдер-005.jpg

 

http://www.hramstrastoterpcy.ru/wp-content/uploads/2018/10/Слайдер-012.jpg

 

http://www.hramstrastoterpcy.ru/wp-content/uploads/2018/10/Слайдер-016.jpg

 

http://www.hramstrastoterpcy.ru/wp-content/uploads/2017/04/Слайдер-008.jpg

 

 

 

 

 

LUCH 2018