Светом Фаворским ночь Осиявшая

Горний Цвет Российского Великодержавия

Ветка Сирени – на Русскую Голгофу

 

http://data2.gallery.ru/albums/gallery/55983-47845-6135354-m750x740.jpg

Ея Императорскому Величеству

Государыне Императрице Всероссийския

Святой Царственной Мученице, Искупительнице России.

АЛЕКСАНДРЕ ФЕОДОРОВНЕ РОМАНОВОЙ.

АКАФИСТ

Кондак 1

Избранней Дщи Иерусалима Новаго, мрак времён осиявшей, воспоим Ти любовию, Мати Народа, на Голгофу возведенна, Ты же живота и Спасения в мире алчущим, и во Рассеянии Русстем сущим, предстательство Свое даруй, да взываем Ти православно: Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Икос 1

Ангелов Творче посла Тя Царю, Наследнику и Царевнам в покров и утешение, мирове во Просвещение, верным же во Исходе их образом веры Державнвя, нету бо тоя бездны и пучины адския, коей Спаситель прежде не пройде в верных Своя, мы же дивящеся таковому о Тебе чаянию Вседержителя, со умилением возопиим песнь похвальну ситце:

 

Радуйся, Света Старого утренне дуновение

Радуйся, Руси Святей Небесно Украшение

Радуйся, Аглицкой Короны перле бесценный

Радуйся, Сияние, превыше венцев явленное

Радуйся, родов Царских дивное прозябение

Радуйся, Крине Белая Русстего Помрачения

Радуйся, от юности Своея Супругом желанная

Радуйся, Честным Царем Честнейша Избранная

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 2

Виде Всеблагая Мати огнь злобы на Русь насылаема, Удерживающего же на закалание уготованна, во слезах молила Сына, Той же яви Тя миру, Горлицу Небесну, Орлам Державы во осенение, людием Заступницу, Ходатаицу у Престола Пресвятыя Троицы за Народ Православный, да подвиги Твоя уразумеша, купно Богу возопиют: АЛЛИЛУЙЯ!

 

Икос 2

Вселенныя Создатель и веков Творче предуготови Тя, Агницу златорунну, умягчение облачно, Голубицу, Знамение животв подающа в пучине времен отступных, мы же Заветов сбытию дивящеся и бездну милосердия Божия узре, благодарне славословим Тя ситце:

 

Радуйся, Царя царей бисере сокровенный

Радуйся, роду славному Наградо священна

Радуйся, цариц Руси всечестное Украшение

Радуйся, сокровищ Отчих дивно умножение,

Радуйся, времён отступных праведно исполнение

Радуйся, греха народа пред Богом Искупление

Радуйся, пророчеств святых всеславное сбытие

Радуйся, Серафима Саровского наитие

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 3

От юности в Бога богатея, Семью и Отечество, вкупе же и лесть остави, Крест служения Державе Российския прияла еси, Императрице Александро, душу за Отечество полагая, Западу же, маммоне служащу, главизну жития в Бозе являя, мы же милостям о нас Отца Небеснаго дивяся, единым сердцем благодарне Ему возопиим: АЛЛИЛУЙЯ!

 

Икос 3

Краснейшую Тя алмазов, рубинов и сапфиров Эдуарда и Стюартов, Руси Владыко Царь, во благо народа Своего узре и от юносте зело возлюби, душу за Супругу и Чад зане полагая и к Подвигу предуготовляя, да купно Спасителю воспоют о Ти таковая :

 

Радуйся, короны Аглицкой славо и Украшение

Радуйся, благочестивой Королевы Виктории похваление

Радуйся, праведной Матери заветы возлюбившая

Радуйся, Царскую Честь свято сохранившая

Радуйся, Семь Свечей на Голгофе возжегшая

Радуйся, за Христа до конца претерпевшая

Радуйся, Светом фаворским Ночь осиявшая

Радуйся, всё во Спасение человеков отдавшая

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 4

Боготочною звездою на небосклоне Руси Святей воссияла еси, Императрице Богоизбрана Александро, Супруга, Благоверна Царя Николая, Отцем и Наставником почитая, труды Его и об Отечестве попечения разделяя, храмы же, монастыри и пустыни усердно посещая, Богу вкупе с Ним воспевая: АЛЛИЛУЙЯ!:

 

Икос 4

Вершины Фавора превыше вознесенна, Великодержавие Тобою процвете, Императрице Всечестная Александро, заповедый цвете альпийский, на Голгофу принесе, тем же Свет уходящий Подвиг Христа в Новомучениках достойне почтил еси, Крове Боготочне поклонился еси, мы же таковому упованию на Тя Зиждетеля всих дивящеся, воспевание приношаем Ти ситцевая:

 

Радуйся, красою Ангельской родителей удивившая

Радуйся, волю Христа паки бытия возлюбившая

Радуйся, Его велениям младые годы положившая

Радуйся, верою смолоду ся укрепившая

Радуйся, свече Искупления, на Руси возженная

Радуйся, Нового века Заре, на Востоке рожденная

Радуйся, Сергия горлице, Русских орлов осенение

Радуйся, Христа Закладе многоценный, миру во Спасение

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

http://www.bankoboev.ru/images/NDY1NTgz/Bankoboev.Ru_buket_sireni_na_stole.jpg

Кондак 5

Ревности Народа по Бозе дивящеся, главное сокровище Руси, веру Православну, глубоце познала еси, Императрице Александро, святых Отцев учение, молитвы и Таинства постигая, бдения и посты совершая, славу рода Романовых непорочно соблюдала еси, и яко же о Спасителе во чреве Мариином Елисаветь, втуне о чуде Богоноснем ликуя, усердно Творцу воспевая АЛЛИЛУЙЯ!

 

Икос 5

Заботы о Семействе, Граде Петровом, Державе и Воинстве честно и право совершая, на начало всякаго дела и пути благословение Феодоровской Одигитрии вопрошала еси, Благоверная Императрице Александро, Сыну Ея вси силы полагая, Богу же воспевая, сего ради и люд православный славит тя сице:

 

Радуйся, Дочерей трудолюбию и молитве учившая

Радуйся, Пример святости в миру явившая

Радуйся, чистоту Брака Православно воспевшая

Радуйся, России и Наследника болями болевшая

Радуйся, у кроваток Детей ночи не спящая

Радуйся, верою вси тяжкие преходящая

Радуйся, Царю Искупителю верное Вспоможение

Радуйся. человеков ко Свету Пробуждение

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 6

Богом дарованному Сыну, Наследнику Алексею, Первою поклонилася еси, Императрице Праведна Александро, мужеству и дарам Его дивяся, хвалу Вышним за Чадо многочудное неустанно сотворяя, от злобы мирской и клеветы диавольской верно сохраняя, душу и всю по Бозе крепость полагая, мы же таковой Подвиг Царицы Матери, во Спасение всих и будущее Руси Воскресение уразумеша, сердцем умиленным воспеваем Богу: АЛЛИЛУЯ!

 

Икос 6

Чад Своих, Царевен Ольгу, Татиану, Марию, Анастасию и Царевича Алексия, Сподвижников Помазанников и Искупителей Божиих, Родителей венценосна, от нечистоты и искушений мира сего упасла еси, Императрице Александро Всечестная, труду, молитве и милосердию паче иных научая, Отечество Богоносне и Путь правый един в народах им вверяя, тем же и мы, глубину грехопадения наша в житии Святой Седьмерице узре, Искупителей возблагодарим, воспевая ситцевая:

 

Радуйся, Седьмерице Всесвятая, главизно Воскресения

Радуйся, стезей Отечества Державно Охранение

Радуйся, Корабля Спасения Водительнице

Радуйся, Православия Насадительнице

Раднйся, жатву добру Христу собравшая

Радуйся, Образе Его и во узах являвшая

Радуйся, за веру и Народ Божий зело страдавшая

Радуйся, венец от Царя царей приявшая

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 7

Видя Помазанника, Отца Отечества и Супруга Благовера преданна, оклеветанна и отверженна, не пала духом, не возопила и не восплакала, Императрице Александро, за Супружество и Семейство Бога усерднее благодаря, труды и душу полагая, и яко Орлица крилами Царя и Чад денно и нощно укрывала еси, за мучителей моля, мы же дивящеся таковому Твоему во Истине стоянию, зла не мыслящу и святое за злое сотворяя, Подателя сих восхваляем: АЛЛИЛУЙЯ

 

Икос 7

Веру истинну и любы нелицемерну страждущему роду Христианскому имуще, отречение мира вольное, о Церкве, Царе и Наследнике попечения смиренно несла еси, Богу и чадам день каждый полагая, Русь во гроб сходящу благовоньями духа и любве умащая, сим же и Русь Воскресша воспевает о Ти ныне:

 

Радуйся, яко по водам Спаситель верой ходившая

Радуйся, Апостолов мужество явившая

Радуйся, Царица краснейшая, Руси Благословение

Радуйся, Дщи верна, Святой Руси удобрение

Радуйся, под камнепадом времён Народ Свой хранившая

Радуйся, Светом Трисолнечным мир озарившая

Радуйся, Царствия Небеснаго недугующим Снисхождение

Радуйся, во всём Христу уподобление

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 8

За падший род человеческий волею страдавшу Христу уподобишася, от лет древних избранный род Романовых за страну и народ мучение вольное приял еси, Господа прослави, Руси же и мирове Воскресение сотвори, научая народы покаянно Бога призывати и неустанно всим сердцем воспевати: АЛЛИЛУЙЯ!

 

Икос 8

Даль велию Руси Святей усердием и матерним попечением объяла еси, Матушка Императрице, вси силы и любы Отечеству полагая, зело потрудилася, красно укасила еси, да славится в веках в народах, да множит веру Православную, в коей Твое Обретение и едино всим Спасение, мы же такового по Бозе усердия, во Отечестве нашем явленна, образе приемле, благодарне славославим Тя ситцевая:

 

Радуйся, древних пророчеств дивное совершение

Радуйся, сонма праведных Руси украшение

Радуйся, обителей дальних смиренная страннице

Радуйся, велия Христа Избраннице

Радуйся, почестей за подвиги не взыскующая

Радуйся, благодатию мрак врачующая

Радуйся, у одр страждуших ночи проводящая

Радуйся, за род христинский в молитвах не спящая

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 9

Велие чудо видим о тебе, Царице Александро Новая, яко Десницею Вседержителя многажды охраняема, вкупе с Царём Искупителем, Чады и верные вси венцем Новомучеников венчаема, отрекшимся во изумление, да убоятся дел лютых, плода не содевающих и в пучины бед ввергающих, и Богу Единому покаянно возопиют: АЛЛИЛУЙЯ!

 

Икос 9

Ветии многовещаны безгласны бысть, святая Царица Мати, знамения и чудеса о Тебе явленные счести не могущи, како Руси Святей о Тебе Откровения мнози, отцу Серафиму и Паше Саровским столетие впредь Указания явити волю Господню не страшитися Креста, во Спасение и во Искупление на Русстей Голгофе воздвизаемаго, тем же и мы о Премудрости Божией, мир упасшей, изумляяся, славословим Тя ситце:

 

Радуйся, Ангелов изумление

Радуйся, Жертво Всесожжения

Радуйся, в бурех века Невозмутимая

Радуйся, пламя любы неколебимое

Радуйся, Торжетво веры Православныя,

Радуйся, Мученице Державная

Радуйся, мирро до капли в мир излиянное

Радуйся, Восхода Заре долгожданная

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 10

Земля Уральска воистину Небо земное бысть, в недра своя страдания Императрицы Мученицы, Перст Ея Указующий и всей Седмерицы Страдания Искупительна приемше, не устрашилася бо ни тягот, ни скорбей, ни самоя муки Крестна, вольно душу Свою за Отечество и за чад Своих полагая, Крестным Знамением Ся осени и Христу Спасителю пред убиением Своим возопии: АЛЛИЛУЙЯ!

 

Икос 10

Сила Вышняго осени Тя, Жертва Царственна Богу, да вси крепосте Твоя толику восприяша, не смутяся в вихрех и на мразех века безБожнаго, ни в Русскаго Исхода искушениях, ни во Рассеянии оного страданиях, все сие Свыше послана быти прияв, да в покаянии узрим свет, благодарне воспевая Ти ситце:

 

Радуйся, Христу Спасителю жизнию порадевшая

Радуйся, Семь Светильников Ему возжегшая

Радуйся, Любы Горняя Ученице смиренная

Раднйся, Наставнице Народу явленная

Радуйся, тщание по Бозе Супруга возлюбившая

Радуйся, Феодоровской Одигитрии о Руси молившая

Радуйся, палато Духа преобильная

Радуйся, серафимския любы всесильная

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 11

Отечества возрождение паче жизни чающе, служение Престолу и Семье со страждущих опекой соединила еси, Императрице Александро Милосердная, школы, больницы, приюты во благо Народа Православного устрояя, просторы России храмами украшая и всякаго страждущего в ней утешая, всяку слезу утирая, да лицезреет род человеческий Господне о ближнем радение, непрестанно воспевая: АЛЛИЛУЙЯ!

 

Икос 11

Стена еси всим верою тебе прибегающим и ограждение необоримо, в Рассеянии же Русстем сущим утешение и тёплый крове, да земнаго крова и Отечества лишени, духом и верою возрастут, Держаная образе Твоя и Царственна Седмерицы всея всечестно почитая и любовью восхваляя Ти ситцевая:

 

Радуйся, Торжетво веры Православная,

Радуйся, мученице Державная

Радуйся, в бурех века невозмутимая

Радуйся, пламя любы Божия неколебимое

Радуйся, Цветущая во мраке отступления

Радуйся, верных вкупе Скиние Спасения

Радуйся, мирро до капли в мир излиянное

Радуйся, Рассвета заре долгожданная

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 12

Зерном чистым без изъяна миру во Процветение полагаясь, плод духовный красно сотворила еси, Императрице Мати Александро, Первыя Заповеди исполнением, многая спасением, женам всим примера подаванием, Седьмерицы Святей соблюдением, греха народа отступнаго Искуплением, Церкве Зарубежная устроением, Царственных Мученик прославлением, Иверския Одигитрии во Монреале мироточением и Вождя явлением, верныя всих в Дусе едино Богу воспеванием: АЛЛИЛУЙЯ!

 

Икос 12

Путь Руси в народах и Душу ея глубоце изведа, Державу Российскую возвеличила еси, Благоверная Царица Александро, славный Род Романовых житием праведным и Подвигом за народ Божий честно прославляя, да узрят вси за Христа Седмерицы Святей усердие едино, врата райские отверзающа, о любве земной небесно наставляюща, Богу же плод обильно сотворяюща, мы же глубину падения нашего уразумеша, в покаянии да узрим свет, воспевая Ти ситцевая:

 

Радуйся, над Иерусалимом звездо лучистая

Радуйся, Вышних дерзновение чистое

Радуйся, Русь помраченну в объятия приявшая

Радуйся, всякому чаду заботу являвшая

Радуйся, Царя и Наследника Ангеле пресветлый

Радуйся, святых Дочерей опоро приветная

Радуйся, Самой Царицы Небесней Дружнице

Радуйся, Иерусалима Новаго Служнице

Радуйся, Царице Мати, Александро, Руси Искупительнице и славнаго рода Романовых всечестное Украшение!

 

Кондак 13

О священая главо Спасения и Устроения Державы Российския, Императрице Александро, призри милостиво на чада твоя во языцех собранна и люте страждущи, и испроси у Господа долгов наших разрешение, да умножит молитвами твоима веру Православную и Отечества подаст во святых возстание, душам спасение, Рассеянию заступление, Вседержителю же Творцу вопевание: АЛЛИЛУЙЯ!

 

Молитва Царице Александре Феодоровне Романовой, Искупительнице.

 

О пресветлое Православия Торжество, Царице Руси Краснейшая, Богу и Отечеству Супруга Своего, Царя Искупителя Николая, Чадам и Народу до страданий и смерти верная Царице Мати Александро!

Услыши моление наша, Тебе прибегающих и благ от Господа Отечеству многострадальному чающи. Нет и птицы малыя, коей Творец не украси и не напитай, мы же Твоею, Царя Николая со Чады Венценосныя и всего славнаго рода Романовых, его же Память и славное 400-летие Великодержавия ныне почитаем, царственною на Кресте кровию омыта пред ликом Всесвятыя Троицы предстоим и пение сие от сердца и всея души нашея сотворяем.

 

Уповаем, надежду непреложну имущи, яко во испытании земном душу о чадех Божиих матерински полагала еси, тако услышаны будем и во Царствии радосте твоея о Христе Иисусе, идеже со всеми Новомучениками наслаждаешися высшая славы у Престола Всесвятыя Троицы. Умоли Царя Небеснаго, Зиждителя Града Утешения, Иерусалима Новаго, Дар веры нам возвратити, Наследие Отцов право сохранити и плод достойне Искупителей Божих, нам, паче первородна падша, сотворити.

 

Да исполняется Земля светом Трисолнечным Наследника Алексия, Голубя Спасения Руси дарованна, и Царевен Ольги, Татианы, Марии, Анастасии, Их же Ты нам даровала и упасла еси, сердцам во умягчение, умам во уяснение дел Господних. Да процвете Русская Голгофа как саде Гефсиманский, да покрыется лилиями кровь всечестная Царственных Мучеников, Священномучеников и Новомучеников Российския, на ней столетие изливаемая.

 

Воистину Небо земное Седмерица Святая бысть и Ковчеже нашего Спасения, пучину времен преплывающа и святыни Отечества, как прежде древний Ной Наследие Божие, храняща, нам же гибнущим в пучинах Безбожнаго жития вреви крепкие подающа. Да отыде молитвами Твоими, Матушка Царице Александро, от нас враг един древле рода человеческаго и да ниспошлет Вседержитель миру умирение, земли отдохновение, труды праведна во благо и Трапезу обильна Пресвятыя Троице. Да подаст нам Всемилостивый Творче согласие и единение, Церкве Православной возстание и крепкое в мире владычество. Да просветятся вси концы Земли Премудростию Божией, мир упасшей и уврачевавшей, и примером вашего купно за Истину стояния.

 

Да исполнится молитвами верных Божиих упование народа Православнаго о крове и спасении стада малого, да возрастут дети наши в Духе и да станут они святыми мужами и святыми женами, и да не остави Любы Божия, Главизно сих священна, мира сего во веки веков. Аминь.

 

Тропарь, глас 1 Смирением, подвигами веры и мудростию достоинство Царское умножи, Боголюбивая Царице Александро, Царя Искупителя охранением, Наследника и Царевен России дарованием и Повигами за Народ Православный Христа почтила еси. Милосердием, терпением и любовию себе предочистивши, яко Жертва Искупетельна Богу принеслася еси. Мы же, чтуще добродетельное житие и страдания Твоя, яко истинную Наставницу усердно просим тя: святая Царственная Мученице Александро, славнаго рода Романовых всечестное Украшение, моли Христа Бога спасти и просветити души наша!

 

Кондак, глас 5 От славы Царственныя вземши Крест Христов, прешла еси к славе Небесней, молящи за враги, и обрела еси радость вечную, святая Царственная Мученице, Императрице  Александро Российския, тем же молим Тя, молися о душах наших! Аминь.

 

Русская Голгофа. ИСКУПИТЕЛИ.

...нечеловеческие силы молиться за своих врагов...

 

 

 

 

 

LUCH 2013

400 лет Династии Романовых