РПЦЗ в молитве о спасении Нового Орлеана

12. 07.2019

 

Image result for Христос спасает Апостола Пётра на водах

Христос  спасает Апостола Петра от погибели на море

 

О святый Петре, великий Апостоле, самовидче и сотаинниче Божий,

всемощною десницею Учителя твоего приятый из вод волнующихся и крайняго потопления свобождшийся!

 

Не забуди и нас, убогих, в тине греховной увязших и волнами житейскаго моря заливаемых, подаждь нам твою руку крепкую, помози нам и удержи нас от потопления в страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии погибнем. Научи нас, Учителю наш, пролияти слезу покаяния, да плачемся горько деяний наших в веце сем.

 

И аще твою слезу, в покаяние излиянную, милостию Своею покры Господь и Учитель твой, испроси и нам, с дерзновением апостольским, прощения в буести нашей ежечаснаго от Христа отречения. Град сей, Новый Орлеан, ко святым стопам твоим поверженный, сохрани и от прилучающихся козней лукавых врага спасения нашего огради; воздвигни твои преподобнии руце ко Господу за народ Америки, да тихое и безмолвное житие поживем в веце сем до часа, в онь же имать призвати нас Владыка Господь, наш Судия истинный.

 

Ты же, о всехвальный Апостоле, не отвергни вопля нашего и стенаний к тебе о заступлении города, страны нашея, Церкви и нас грешных пред Христом, да выну славим Его милосердие к нам со Отцем и Святым Духом. Аминь.

 

Related image

 

Святые всехвальные Первоверховные Апостолы

Петр и Павел,

молите Христа Господа о нас!

 

 

LUCH 2019