Text Box:                  100 лет со Дня рождения Царевича Алексея

                                                  1904 – 2004

                                          АКАФИСТ

                Святой Царственной Мученице Великой Княгине

             Елисавете Феодоровне Романовой

 

Кондак 1

Избранней Дщи Иерусалима Новаго, мрак времен осиявшей горняя во славу, дольняя во утешение, воспоем ти любовию, святая Царственная Мученице Елисавето, сподвижнице изрядна Зиждителя Живота и Спасения нашего, ты же благ сих в мире алчущим, в Рассеянии же Русстем сущим Матушка Наставнице, не остави нас молитвами твоима, научая взывати ти православно:

 

Радуйся, святая Царственная Мученице Елисавето, благодатию райския мира грешнаго врачевание!

Икос – 1

Ангелов Творче посла тя манною верным во Исходе их, Руси же во уразумение, нету бо тоя бездны и тоя пучины адския, коей Спаситель не пройде прежде в верных Своя. Мы же дивящеся таковому о тебе чаянию Вседержителя, со умилением возопием песнь похвальну ти ситце:

 

Радуйся, крине белая Русстего Помрачения

Радуйся, жасмине Иисусова Снисхождения

Радуйся, лугов альпийских благоухание

Радуйся, мёда горнего страждущим подание

Радуйся, Христа Спасителя мудрое времён Управление

Радуйся, миром многоценным страстей умащение

Радуйся, сладостью духовней горечь бед исцеляющая

Радуйся, на луг Христа заблудших сбирающая

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 2

Виде Всеблагая Мати огнь злобы сатанинской на Русь с Запада насылаема, Удерживающего же на закалание уготована, во слезех молила Сына Своего о крове верным, Той же яви тя миру, благоверная Княгине Елисавето, образе любве и крепосте державна, да подвиги и во истине стояние твоя уразумеша, согласно Богу возопиют: АЛЛИЛУЙЯ!

 

Икос – 2

Вселенныя Создатель и веков Творче предуготови тя, яко Агницу златорунну и умягчение облачно, голубицу, живота Знамение подающа во мраке времен последних, мы же Заветов изначально сбытию дивящеся и бездну милосердия Божия узре, благодарне славословим тя ситце:

 

Радуйся, Света Старого утренне дуновение

Радуйся, сада Гефсиманскаго миру осенение

Радуйся, славных родов царских дивное прозябение

Радуйся, Креста Отечества державное укрепление

Радуйся, чаяний  мужей праведных преславное сбытие

Радуйся, пророков  Руси святое  наитие

Радуйся, сокровищ отчих дивное умножение,

Радуйся, человеков ко Свету вешнее пробуждение,

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 3

Семью и отечество, вкупе же почести и лесть, остави, тяготы и муки кротко прияла еси, Великая Княгине Елисавето, бури клевет не убоялася еси, всякий труд с радостию принимая, душу за ново Отечество полагая, тем же и имя стяжа Велией Матушки, Заступницы за род христианский, мы же дивящеся таковому о Руси недугующей попечению Отца Небеснаго, Ему возопием: АЛЛИЛУЙЯ!

 

Икос – 3

Боготочною звездою на небосклоне русския славы духовней воссияла еси, святая Царственная Мученице Великая Княгине Елисавето, Супруга своего, Благоверна Князя Сергия, Отцем и Наставником почитая, удел его принимая, храмы же, монастыри и пустыни усердно во след посещая, сокровищам духовным Руси Святой дивяся, ныне же прими и от нас за то благодарения глас ситце:

 

Радуйся, красотою Ангельския августейших родителей удивившая

Радуйся, заповеди и волю Христа паче жизни возлюбившая

Радуйся, мученицы за род христианский именем нареченная

Радуйся, праведной Елисаветы именем полная луна явленная

Радуйся, Сергия горлице, русских орлов осенение

Радуйся, Закладе многоценный, миру во спасение

Радуйся, свече Иерусалимския, во Руси Святей возженная

Радуйся, нового века заре, на Востоке рожденная

      Радуйся, святая Царственная Мученице Елисавето, благодатию райския мира  грешнаго врачевание!

 

Кондак – 4

Заботы о граде престольнем, державе и  людех со страхом Божиим совершала еси, Княгине Елисавето, на всяко дело и на начало пути благословение Богородицы Иверстей испроси, яко древле Апостоле Царицы Небесней, Сыну Ея вси силы полагая, Богу же воспевая: АЛЛИЛУЙЯ!

 

Икос – 4

Течением вод небурных от Кремля и от сени Иверстей ревность народа по Бозе видеши, учения и молитвы свв. отец познала еси, пути славнаго рода Романовых храня непорочно, ликуя втуне о чуде Богоноснем, яко некогда о Спасителе во чреве Мариином Елисаветь, сего ради и люд православный ликует славя тя сице:

 

Радуйся, подвигами веры народа своего утешенная

Радуйся, всем православным Сестра и Мати сердешная

Радуйся, Русь помраченну в объятия приявшая,

Радуйся, всякое чадо ея сердцем осиявшая

Радуйся, праведного Царя и Наследника крове пресветлый

Радуйся, праведной Царицы и чад опоро приветная

Радуйся, Самой Царицы Небесней верная дружнице,

Радуйся, Иерусалима Новаго служнице,

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 5

Земля Алапаевская воистину небо земное бысть, святая Царственная Мученице Елисавето, тебя благодарне преемше, не устрашилася бо муки адския и Крестнаго испытания своего, вольно душу за Отечество полагая, Христу Спасителю и Матери Его со усердием о сем вопия: АЛЛИЛУЙЯ!

 

Икос – 5

Сила Вышняго осени тя, Жертва Праведна Богу, Великая Княгине Елисавето, да вси крепосте твоя толику восприяше, не смутяся в вихрех и на мразех века безБожнаго, ни в Русскаго Исхода муках крестных, ни в Рассеяннии оного страданиях, все сие Свыше послана быти благослови и достойне воспевая ти ситце:

 

Радуйся, яко по водам Спаситель верой  ходящая

Радуйся, Апостолов и пророцев мужество хранящая

Радуйся, под камнепадом времён обители устроявшая

Радуйся, Подвигом любви мир осиявшая

Радуйся, Невесто краснейшая, Руси благодарение

Радуйся, Дщи верная, Святой Руси утешение

Радуйся, Царствия Небеснаго недугующим Снисхождение

Радуйся, во всём Христу уподобление

Радуйся, святая Царственная Мученице Елисавето, благодатию райския мира грешнаго врачевание

 

Кондак – 6

Видя Супруга отверженна и люте убиенна, не пала еси на лице вопия Господу зело, но рабо смиренна кротце орудие в сердце принимая, Мученика достойно проводи, за мучителей прося, от мира же Христианскаго Крест Честной водрузи, мы же дивящеся таковому ко грешным состраданию, зла не мыслящу и святое за злое сотворяя, Подателя сих восхваляем: АЛЛИЛУЙЯ!

 

Икос – 6

Одинокой голубицей над птенцом низверженна крыля простреше, святая Царственная Мученице Елисавето, страждущих под оныя сбирая, обители устрояя, народ утешая и всим от сердца вся подавая, Церкве же венец страданий вослед Помазанника уготовляя, пети купно вдохновляя сице:

 

Радуйся,  Распятому жизнию порадевшая

Радуйся, смертию во ад за Ним нисшедшая

Радуйся, милосердию праведной Матерью наученная

Радуйся, Любы Горняя Ученице смиренная

Радуйся, святые обеты от юности принесшая

Радуйся, до конца претерпевшая

Радуйся, тщание по Бозе Супруга праведнаго возлюбившая

Радуйся, Иверстей Одигитрии о Руси молившая

Радуйся, святая Царственная Мученице Елисавето, благодатию райския мира грешнаго врачевание

 

Кондак – 7

Ярославне подобна некогда в Путивле, в часовне Иверстей молилася еси, святая преподобномученице, Пути взыскуя, имения и богатства рода Царского Отечеству и люду раздавая, вериги же со власяницею возлагая, ко подвигу уготовляясь, Промыслителю денно и нощно воспевая : АЛЛИЛУЙЯ!

 

Икос – 7

Веру истинну и любы нелицемерну болями за страждущий род христианский распали, отречение мира вольное, о Церкве и о Гробе Господне попечения понесла еси, тому день каждый полагая, Русь во гроб сходящу благовоньями многими духа  умасти, сим же и Русь воскресша воспевает о тебе ныне:

 

Радуйся, благоверных жен прославление

Радуйся, княгинь праведных светло украшение

Радуйся, почестей за подвиги не взыскующая

Радуйся, светом и Духом мрак безмездно врачующая

Радуйся, у одр страждуших ночи проводящая

Радуйся, в молитвах за род христинский не спящая

Радуйся, обителей дальних смиренная страннице

Радуйся, великая Христа Избраннице

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 8

За падший род человеческий волею страдавшу Христу уподобишася, от дней древних славный род Романовых за страну и народ свой  мучение вольное приял еси, Господа прослави, Руси же и мирове Воскресение сотвори, научая покаянно Бога призывати: АЛЛИЛУЙЯ!

 

Икос – 8

И на Кресте попечения о Матери Своея и людех Свершавшему сугубо уподобляясь, святая Царственная Мученице Елисавето с верною Варварою, во бездне адския заботу о триех Князьях мучениках Иоанне, Владимире, Константине и всех Алапаевских страдальцах совершала еси, раны врачуя и утешая, крестным Знамением осеняя, мы же дивящеся подвигам твоим Евангельским, восхваляем ти со трепетом таковая:

 

Радуйся, жатву добру Христу собравшая

Радуйся, образе Святости Его  и во узах являвшая

Радуйся, Зиждителя времен собеседнице

Радуйся, Гроба Господня Наследнице

Радуйся, за Церковь, Невесту Христову, зело пострадавшая

Радуйся, венец от Царя царей приявшая

Радуйся, благоверных мужей укрепление

Радуйся, Ангелов изумление

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 9

Велие чудо видим о тебе, благоверная Княгине Елисавето, яко десницею Вышняго многажды охраняема во след царя Мученика с Царицею и чады, и верные вси венцем вкупе венчаема, отрекшимся во изумление, да убоятся лютых, плода не содевающих и в пучины бед ввергающих, и Богу Единому угождая да возопиют: АЛЛИЛУЙЯ!

 

Икос – 9

Ветии многовещаны безгласны бысть, высоту тоя созерцая, святая Царственная Мученице Елисавето, знамения и чудеса о тебе явленные счести не могущи, како святаго Сергия  Радонежскаго одесную тебе явления, Ангелов пение и света сияние на месте твоя за Русь честнаго страдания, мы же глубину падения наша уразумеша, в покаянии да узрим Свет, зовущи:

 

Радуйся, в бурех века невозмутимая

Радуйся, пламя любве Господней неколебимое

Радуйся, над Иерусалимом звездо лучистая

Радуйся, Вышних дерзновение чистое

Радуйся, Торжетво веры православныя,

Радуйся, мученице Державная

Радуйся, мирро до капли в мир излиянное

Радуйся, восхода заре долгожданная

Радуйся, святая Царственная мученице Елисавето, благодатию райския мира грешнаго врачевание!

 

Кондак – 10

Отечества возрождение паче жизни чающе и впрерёд ведающе, служение церковне со страждущих опекой  многоразличней совокупила еси, молитвы и труды сотворяя, Церкве Христовой союз Марфы и Марии

полагая, да всякий по Господе грядый заботой о ближнем наипаче Ему угождает, непрестанно воспевая: АЛЛИЛУЙЯ!

 

Икос – 10

Велией Матушкой Русь прошед, ни единого от малых сих не остави, упадающих бодря и согревая, духовное дружество и заботу безмездну о чадех Господних миру утверди, научая по образу тому подобно быти и имя твое с любовью велией призывати:

 

Радуйся, святаго Сергие присная Собеседнице

Радуйся, заветов его славная Наследнице

Радуйся, Корабля Спасения мудрая Водительнице

Радуйся, православия истинна Насадительнице

Радуйся, светло Русь облагоухавшая

Радуйся, садами белыми храмы украшавшая

Радуйся, цвета белаго щедрое дарование,

Радуйся, Лазарева воскресения благоухание

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 11

Зерном миру во процветение глубоце сошед, плод духовный сотворила еси, благоверная Княгине Елизавето, Христа ублажи многая чад Его спасением, Церкве Зарубежная от Гефсимании осенением, Царственных Мученик прославлением, Иверския Одигитрии во Монреале обильна мироточением, вождя дарованием, верныя соединением Бога славити: АЛЛИЛУЙЯ!

 

Икос – 11

Стена еси всим верою тебе прибегающим и ограждение необоримо, в Рассеянии же Русстем сущим утешение и тёплый крове, да земнаго крова и Отечества лишени, духом и верою возрастут, образе твоя честно соблюдая и похваляя ситцевая:

 

Радуйся,  Руси спасенной Красото и похваление

Радуйся, кладов ея миру отверзение

Радуйся, реко многоводна пустынь питающая

Радуйся, луче страждущим и странным витающая

Радуйся, палато Духа преобильная

Радуйся, серафимския любве всесильная

Радуйся, образе Христова за чад радения

Радуйся, гонимым за веру крове и  благословение

Радуйся, святая Царственная Мученице Елисавето, благодатию райския мира грешнаго врачевание!

 

Кондак – 12

Медвяна реко благодати Старого Света исшед и с Востока  мнгоумноженна,  гроб твой всю Землю освяти, во Гефсимании по слову твоему упокояясь. Яко Скинию Завета и Знамение Победы Своея пронесе Христос в верных Своих державно, неверных устраши и в покаянии пети научая: АЛЛИЛУЙЯ!

 

Икос – 12

Душу народа глубоце изведа, посреди новыя Храмины Российския сень памяти и чертог новобрачный уготови, библейски украси, Великая Княгине Елисавето, да узрят за Господа жизнию и смертию двоих усердие едино, врата райские отверзающа, о любви земной небесно наставляюща, Богу же плод духовный много сотворяюща:

 

Радуйся, Святой Земли дольнему миру сияние

Радуйся, дерев Гефсиманских майское благоухание

Радуйся, Руси вишнев Саде, всея земли процветение

Радуйся, греха отступного Искупление

Радуйся, малого стада Христова Водительнице

Радуйся, времён последних Управительнице

Радуйся, ландыше во мраке отступления

Радуйся, верных вкупе Скиние Спасения

Радуйся, святая Царственная Мученице Елисавето, благодатию райския  мира грешнаго врачевание!

 

Кондак – 13

О царственная главо Спасения и вселенскаго устроения наша, святая Царственная Мученице Елисавето, призри милостиво на чада твоя во языцех собранна, и испроси у Господа долгов наших разрешение и велию милость, да умножит Он веру православную и Отечества подаст во святых возстание, душ спасение, Русскому Рассеянию заступление и Крове, Вседержителю же Творцу вопевание: Аллилуйя!

 

           Молитва ко святой Царственной Мученице ВК Елизавете

 

О светлое Торжество веры Православнвя, Похвало Пресвятыя Троицы, Невесто Руси краснейшая, Богу и Отечеству царственнаго супруга своего, благовернаго Князя Сергия до страданий и смерти верная Княгине Елисавето!

 

Услыши моление наша, тебе прибегающих и благ дерзновенно чающи. Нет и птицы малыя, коей Творец не украси дивно и не напитай, мы же твоею и супруга твоего, вкупе Царя-Мученика Николая, Царицы-Мученицы Александры со чады венценосныя и всего рода Романовых царственною на Кресте кровию омыта и выкуплена пред ликом Всесвятыя Троицы ныне предстоим и пение ти вкупе сотворяя.

 

Уповаем, надежду непреложну имущи, яко во испытании земном душу о чадех Божиих матерински полагала еси, услышаны будем и во Царствии радосте твоея о Христе Иисусе, со Царственныя Мученики за Русь предстоящи.

 

Умоли Царя Небеснаго, Зиждителя града Утешения, Иерусалима Новаго, Дар веры нам даровати, Наследие Отцов право сохранити и плод благодарения сотворити, достойне подвигов Искупителей Божиих, нам паче первородна падшим щедре дарованны.

 

Да исполняется Земля светом трисолнечным, сердцам во умягчение, умам во уяснение дел Господних. Да процвете она как саде Гефсимаеский, да отыде враг един древле рода человеческаго и ниспошлет Вседержитель миру умирение, земли умученной отдохновение, труды праведна во благо всих и Трапезу Господу обильна.

 

Да подаст нам Всемилостивый Творче согласие и единение, Церкве Православной возстание и крепкое в мире владычество. Да просветятся вся концы Земли Премудростию Божией, мир отступный упасшей и уврачевавшей.

 

Да исполнится молитвами твоими упование избранных о крове и спасении стада малого, дети наши да возрастут в Духе и да станут они святыми мужами и свяиыми женами. Не остави Любы Божия, Главизно сих священна, мира сего во веки веков. Аминь.

 

 

 

 

Тропарь, глас 1 Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице Великая Княгине Елисавето, моли Христа Бога спасти и просветити души наша!

 

Кондак, глас 5 От славы царственныя, вземши крест Христов, прешла еси к славе небесней, молящи за врагов, и обрела еси радость вечную, святая мученице Княгине Елисавето, с Варварою мученицею. Темже молим вас, молите о душах наших!

 

История написания Акафиста, 18 июля – 10 сентября 2004 года. Явление Королевы Виктории Английской.

 

 

 

АЛЛИЛУЙЯ! АЛЛИЛУЙЯ! АЛЛИЛУЙЯ!

 

 

 

 

 

 

 

 

LUCH 2004 – 2009