Царице Руси Преблагая,

Надеждо ея, Богородице!

Что Тя наречем: Благодатное Небо, яко возсияло из Тебе Солнце Правды?

Рай, яко прозябла еси Цветом нетления? Девою, яко пребыла еси нетленна?

Чистую Матерь, яко имела еси на святых Твоих объятиях Сына, всех Бога?

Того моли спастися душам нашим.

Иконе «Благодатное Небо» молятся при душевных и телесных недугах, при путешествии на воздушном транспорте, а также о наставлении на путь, ведущий ко Спасению и наследию Царствия Небеснаго. Образ находился ранее в Смоленске, перевезён в Москву дочерью литовского князя Витовта Софией, когда она стала супругой Московского князя Василия Дмитриевича (1389-1425), Божия Матерь изображена в полный рост, в окружении огненных языков, солнечных лучей, свежих роз и листвы. На левой руке Ее Богомладенец. Приснодева Мария стоит на Земном шаре, Ей служат солнце и луна. Некоторые этот прекрасный, таинственный Образ называют «Что Тя наречем?».

АКАФИСТ

Кондак 1

Избранней от всех родов Дщи Отца Небесного, Божией Матери и Царице России, Благодатным Небом нами именуемой, стране нашей и людем спасение подающей, благодарственное приносим пение, Богородице, Ты же яко имущая Державу непобедимую и милосердие неизреченное, от всяких нас бед и зол свободи, да зовем Ти:

Радуйся Владычице, Благодатное Небо, радость спасения нам дарующая!

Икос 1

Ангели и праведных души удивишася, егда предстала еси пред Сыном Твоим и Богом, и многим молением ходатайствовала о людех во гресех пребывающих. Мы же очима веры толикое Твое благоутробие зряще, со умилением взываем Ти сице:

Радуйся, молитвы всех христиан приемлющая.

Радуйся, самых отчаянных в вере воздвизающая.

Радуйся, к Сыну Твоему о грешных Предстательнице.

Радуйся, Нечаянную радость и свет нам несущая..

Радуйся, попечением Твоим весь мир хранящая.

Радуйся, вся наша печали утоляющая.

Радуйся, житие наше добре устрояющая.

Радуйся, избавление всем человеком принесшая.

Радуйся Владычице, Благодатное Небо, радость спасения нам дарующая.

Кондак 2

Видящи, Пречистая, люди грешныя с верою и упованием пред честною Твоею иконою долу повергающияся, и слезно молящияся о гресех своих, вняла молению их, да вси, зряще Твое о нас Матернее милосердие, на Небеси и на земли купно вопиют Богу: Аллилуиа.

Икос 2

Разум человеческий воистинну превосходит любовь Твоя к роду христианскому, о нем же молишися Сыну Твоему и Богу. Мы же, зряще Тя неотступную Предстательницу за нас грешных, со слезами вопиим:

Радуйся, Заступнице усердная рода Христианскаго от Бога нам дарованная.

Радуйся, Путеводительнице наша, к небесному отечеству нас возводящая.

Радуйся, верных ограждение и прибежище.

Радуйся, помоще всех призывающих имя Твое Святое.

Радуйся, презренных и отверженных от рова погибели исхищающая.

Радуйся, тех на путь правый обращающая.

Радуйся, непрестанное уныние и мрак душевный отгоняющая.

Радуйся, оставленных врачами на Своя всемощныя руце приемлющая.

Радуйся Владычице, Благодатное Небо, радость спасения нам дарующая.

Кондак 3

Сила благодати, предстательством Твоим, Пречистая, преизобилует тамо, идеже умножися грех, да радуются на Небеси Ангели о грешницех кающихся, поюще пред Престолом Божиим: Аллилуиа.

Икос 3

Имущи к роду христианскому Матернее милосердие, всем с верою и упованием прибегающим к Тебе подаеши руку помощи, Владычице, да вси единем сердцем и едиными усты славословие приносят Ти сицевое:

Радуйся, яко Тобою к нам нисходит Божие благоволение.

Радуйся, яко во всех бедах и обстояниих наших приносиши Сыну Твоему усердныя о нас молитвы.

Радуйся, яко и наша молитвы приятными Богу соделоваеши.

Радуйся, яко невидимых врагов от нас отгоняеши.

Радуйся, яко сердца злых человек умягчаеши.

Радуйся, яко от клеветы, досаждения и укорения нас изымаеши.

Радуйся, яко Тобою вся благая желания наша исполняются.

Радуйся, яко много может молитва Твоя пред Сыном Твоим и Богом.

Радуйся Владычице, Благодатное Небо, радость спасения нам дарующая.

Кондак 4

Бурю внутрь имея помышлений греховных, пред честною иконою Твоею, Царице Небесная, склоняем колена и со умилением дерзновенно молим Тя: спаси нас, о Мати милосердия, да не погибнем до конца во гресех наших, Ты бо еси всем грешником Едина Надежда и прибежище; преклонися убо на милость, Благая Мати, и умоли о нас Сына Твоего и Творца нашего, да непрестанно зовем Ему: Аллилуиа.

Икос 4

Слышавше небожители, яко молитвами Твоими пред Сыном Твоим прощение грехов и спасение на земли сущим даруется, прославляют Тя, благосердную Царицу Небесе и Земли, мы грешнии, уведевше таковое Твое о нас заступление, недоумеем, како благохвалити Тя возможем по достоянию, и из глубины сердца нашего умиленно воспеваем Ти:

Радуйся, Споручнице спасения грешных.

Радуйся, и падших взыскание.

Радуйся, Предстательнице к Богу, мир от бед спасающая.

Радуйся, яко гласа молитв Твоих беси трепещут.

Радуйся, яко Ангели сему радуются.

Радуйся, яко и нас молитва Твоя веселия исполняет.

Радуйся, яко ею от тины грехов нас изымаеши.

Радуйся, яко пламень страстей наших угашаеши.

Радуйся Владычице, Благодатное Небо, радость спасения нам дарующая.

Кондак 5

Боготечную звезду – Чудотворную Икону Матере Твоея показал еси нам, Господи, ибо, взирающе на Образ Ея телесныма очима, умом и сердцем к Первообразней возвышаемся и Ею к Тебе востекаем, поюще: Аллилуиа.

Икос 5

Видевше Ангели Хранители христиан, яко Божия Матерь споспешествует им в наставлении тех, заступлении и спасении, потщашася сице возопити Честнейшей Херувим и Славнейшей без сравнения Серафим:

Радуйся, с Сыном Твоим и Богом вечно царствующая.

Радуйся, Ему всегда о роде христианстем моления приносящая.

Радуйся, в христианстей вере и благочестии Наставнице.

Радуйся, ересей и тлетворных расколов Искоренительнице.

Радуйся, от растлевающих душу и тело соблазнов сохраняющая.

Радуйся, от опасных обстояний и внезапныя смерти избавляющая.

Радуйся, уповающим на Тя непостыдный конец жития дарующая.

Радуйся, Матерним Твоим предстательством от вечнаго мучения избавляющая.

Радуйся Владычице, Благодатное Небо, радость спасения нам дарующая.

Кондак 6

Дивная дела милосердия Твоего людем явленная, предаде письмены святый Димитрий Ростовский в научение и утешение всем верным, да и тии, во гресех, бедах, скорбех и озлоблениих суще, на всяк день пред честным Твоим образом «Благодатное Небо» именуемым, колена преклонят и избывше бед, печалей и напастей, вопиют Богу: Аллилуиа.

Икос 6

Возсия нам, яко пресветлая заря, Чудотворная Икона Твоя, о Богомати, прогоняя тьму бед и скорбей от всех с любовию вопиющих Ти сице:

Радуйся, Целительнице наша в болезнех телесных.

Радуйся, Благая Утешительнице в печалях сущих.

Радуйся, ненадеющихся возвеселяющая.

Радуйся, алчущих Питательнице, нагих одеяние

Радуйся, вдов и всих одиноких Утешительнице.

Радуйся, Радуйся, сирот незримая Воспитательнице.

Радуйся, гонимых и обидимых Заступнице.

Радуйся, Небо Благодати на землю низведшая.

Радуйся Владычице, Благодатное Небо, радость спасения нам дарующая.

Кондак 7

Хотя Законодавец Правосудный Господь Сам быти закона Исполнитель, преклонися на усердное моление Твое Преблагословенная Мати Дево, о людех во гресех пребывающих и милостей Божиих чающих, глаголя: «Закон повелевает, да сын чтит матерь. Аз Сын Твой, Ты же Мати Моя: Аз Тя должен чтити, послушая Твоего моления; проси убо еже хощеши, о нихже молишися, и прощаются им греси, Тебе ради». Мы же, видя таковую силу молитвы Ходатаицы нашей о прощении согрешений наших, прославим милосердие и неизреченное благоутробие Ея, зовуще: Аллилуиа.

Икос 7

Новое дивное и славное Знамение всем верным явися, яко не токмо Матери Твоей, но и пречистому лику Ея изображенному, силу чудотворения даровал еси, Господи: сему Таинству дивящеся, во умилении сердца вопием к Ней таковая:

Радуйся, Премудрости и Благости Божия откровение.

Радуйся, веры Православныя утверждение.

Радуйся, благодати обильное подание.

Радуйся, душеполезных знаний дарование.

Радуйся, душевредных учений низложение.

Радуйся, беззаконных навыков нетрудное одоление.

Радуйся, слово Премудрости просящим дарующая.

Радуйся, несмысленных разумными содевающая.

Радуйся Владычице, Благодатное Небо, радость спасения нам дарующая.

Кондак 8

Видяще славная дела и многоразличную премудрость Божию в мире и житии нашем являемыя, предстательством Твоим пред Богом, о Небо Благодатное, Пречистая Владычице, устранимся земныя суеты и излишних житейских попечений и ум и сердце наше на Небеса возведем, поюще Богу: Аллилуиа.

Икос 8

Вся в вышних пребывающи, и нижних никакоже отступила еси, Премилосердная Царице Небесе и земли; аще бо по Успении Твоем и взошла еси на Небеса с Пречистою Твоею Плотию, обаче и грешныя земли не оставила еси, являющися Причастница Промышления Сына Твоего о роде Христианстем, сего ради Тя ублажаем:

Радуйся, сиянием души Твоея землю просветившая.

Радуйся, чистотою телесе Твоего Небеса возвеселившая.

Радуйся, о всем мире усердная Предстательнице.

Радуйся, всех нас при Кресте Сына Твоего усыновившая.

Радуйся, всегда матернюю любовь к нам являющая.

Радуйся, всех даров духовных Подательнице.

Радуйся, двери райские верным отверзающая.

Радуйся, и на земли чистаго веселия исполняющая.

Радуйся Владычице, Благодатное Небо, радость спасения нам дарующая.

Кондак 9

Всякое естество Ангельское удивися делу Твоего милосердия, Господи, яко даровал еси толико твердую и теплую Заступницу и Помощницу роду Христианскому, нам невидимо спребывающу, слышащу же Тебе поющих: Аллилуиа.

Икос 9

Витийство человеческое не возможет по достоянию благохвалити Тя, Пресвятая Богородице, и воспети неисчетная чудеса Твоя, от Иконы Твоея являемая, имиже православныя люди от бед, напастей и всякаго зла сохраняеши. Мы же добре ведуще о многих чудотворениях от честнаго лика Твоего бывших и потребная нам ко временней и вечней жизни приемлюще, с веселием Богородице взываем:

Радуйся, яко от лика Твоего чудеса обильно содеваются.

Радуйся, яко утаися сия от мудрых и разумных века сего.

Радуйся, яко открыся та младенцем в вере.

Радуйся, яко прославляющих Тя прославляеши.

Радуйся, яко отвергающих Тя пред всеми посрамляеши.

Радуйся, яко от всякаго зла люди Твоя избавляеши.

Радуйся, яко вся болезни человеческия врачуеши.

Радуйся, яко праведный гнев Божий на нас скоро утоляеши.

Радуйся Владычице, Благодатное Небо, радость спасения нам дарующая.

Кондак 10

Спасти хотя души своя от вечныя смерти, мы, недостойная чада Твоя, преклоньше колена своя пред Пречистым Твоим образом, молим Тя, Небесная Царице и Милосердная Мати: сотвори нас причастными вечнаго блаженства в Небесном Царствии Сына Твоего, да поем Ему со всеми святыми: Аллилуиа.

Икос 10

Стена необоримая и пристанище небурное еси, Богородице Дево, всем к Тебе притекающим: темже и нас огради и покрый от всех враг видимых и невидимых, да с верою и умилением покланяющеся пречестней и цельбоносней Иконе Твоей, вопием Ти:

Радуйся, столпе и ограждение девства.

Радуйся, чистоты целомудрия незримая Хранительнице.

Радуйся, сохраняющая и спасающая всех призывающих Тя.

Радуйся, к Сыну Твоему и Богу молитвы верных приносящая.

Радуйся, Сама непрестанно у Престола молящая о нас.

Радуйся, благодать Твою иконам даровавшая.

Радуйся, всю вселенную лучами их озарившая.

Радуйся, рода Христианскаго Похвало и Упование.

Радуйся Владычице, Благодатное Небо, радость спасения нам дарующая.

Кондак 11

Пение всеумиленно приносяще Ти, недостойнии, просим Тебе, Дево Богородице: не презри гласа рабов Твоих, к Тебе бо в напастех и скорбех прибегаем и пред Тобою в бедах нашихслезы проливаем, поюще Ти: Аллилуиа.

Икос 11

Светозарная свеща, сущим во тьме греха и юдоли плача явися предивная икона Твоя, Пречистая Владычице: всем бо притекающим к ней струи исцелений изливаеши и чудес зарями

сердца верных веселиши, подвизающи взывати Тебе сице:

Радуйся, Божественный Свет неизреченно родившая.

Радуйся, тьму смертную Рождеством Твоим просветившая.

Радуйся, страны нашея неусыпная Покровительнице.

Радуйся, верных пастырей Церкви ободряющая и вразумляющая.

Радуйся, людей православных верная Хранительнице.

Радуйся, богобоязненных иноков присное утешение.

Радуйся, кающихся пред Богом Заступнице.

Радуйся, радости небесныя всем нам Подательнице.

Радуйся Владычице, Благодатное Небо, радость спасения нам дарующая.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата, умири нашу жизнь, да не погибнем люте, без покаяния, но приими нас в вечныя кровы, Богородице, да радующеся поем Богу, Тобою нас спасающему: Аллилуиа.

Икос 12

Поюще дивная Твоя чудеса, умильно припадаем пред пречистым образом Твоим и, благоговейно лобызающе его, немолчными песньми воспеваем Тя, предивная Царице Небесе и России, и просим Тя, Владычице, услыши наше моление в час сей и благодать Твою нам ниспосли с любовию вопиющим Тебе:

Радуйся, милостей Сына Твоего и Бога нас сподобляющая.

Радуйся, десную часть на Суде Сына Твоего дарующая.

Радуйся, грешников к покаянию ободряющая.

Радуйся, скорбным и сирым помогающая.

Радуйся, алчущих и жаждущих Правды направляющая.

Радуйся, изнемогающих скорая Утешительнице.

Радуйся, Церкве Православныя Нерушимая Стено .

Радуйся, страны нашея Покрове и Защищение.

Радуйся, Благодатное Небо, радость спасения нам дарующая.

Кондак 13

О, Всепетая Мати, Невместимаго Бога во чреве вместившая и Радость всему миру родившая! Нынешнее приими пение, вся наша печали на радость преложи, и от всякия избави напасти православных Христиан и страну нашу Российскую, и будущия изми муки о Тебе вопиющих: Аллилуия, Аллилуиа, Аллилуиа.

Сей кондак читается трижды, затем икос 1 и кондак 1.

МОЛИТВА

Что Тя наречем, о Благодатная Богомати Богоотроковице, Пренепорочная Марие? Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси Таинство, паче ума и слова, вочеловечения Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося.

О, чудо всех древних и новых чудес! Непреложное слово Самаго Бога о победоносном семени жены исполнися и совершися в Безмужней Деве. О, неизмеримая глубина премудрости и величия Божия! Киими имены наречем Тя, о Невеста Неневестная? Зарею ли наречем Тя восходящаго на небе солнца? Но Ты - самое Небо, из Тебе бо воз сия Солнце Правды - Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий и отгоняющий смердение греха и зловоние прародительскаго тления.

Наречем ли Тя юною Непорочною Девою, не познавшей брака? Но до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и праматерей? Но Ты не токмо родила Того Младенца Христа, но и носила Его при Своих персех и питала Твоим матеро девственным млеком, Того, Иже питает всякое создание, Емуже со страхом и трепетом предстоят Небесныя силы и Его же хвалит всякое дыхание и тварь.

О, воистинну Ты дивная еси в женах, чудная в девах, неподражаемая в матерех! К Тебе пред Твоим Божественным ликом припадаем и пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. Аминь.

Дивный Свет осиял Иконы Богородицы и Святого Царя Искупителя

15 марта 2020 г.

Весна 2020 – под Покровом Царицы Небесной.

Благодатное Небо

над Русью содейся!

Дождичком тёплым

пролейся!

Всех чудес Чудная!

Всех Небес Высшая!

Услыши нас!

Не остави Дома Своего,

Дева Чистая,

Рассей тьму кромешную,

Звездо лучистая!

Православные,

молитесь Святому Царю, Хозяину Земли Русской,

и всем Новомученикам,

да не свершится переворот и захват власти оккупантами!

Молитва Царю Искупителю о спасении России. 

LUCH 2020